Епа оваа награда ни еден актер не ја посакува! Ама ете постои! Еве ги номинациите за Златна малина!
Годишна берба на Златните малини24 часа пред прогласувањето на номинациите за гламурозните Оскари, беше објавена листата со “најсреќните” филмаџии кои влегоа во трката за најнепосакуваната награда “Златна малина”. Судејќи по бројот на номинации, минатата година ќе остане запаметена по катастрофално лошиот
Basic instinct 2, кој е дел од дури 7 категории.
Авторот на овие сатирични награди Џон Вилсон, за филмот со атрактивната Шерон Стоун вели дека беше најавуван како страстен и мистичен трилер, но излезе дека е бурлеска.
Тој не го поштеди ниту филмот
Little Man на браќата Вајанс, кој исто така е номиниран во седум категории, нарекувајќи го комедија онолку смешна колку што е смешен и
Schindler's List. За најлош филм на годината, освен овие два филма, ќе се натпреваруваат и
Lady in the Water, The Wicker Man и
BloodRayne.
Како најлоши актери за 2006-та година издвоени се: Тим Ален кој конкурира со дури три свои улоги во филмовите
The Santa Clause 3: The Escape Clause, The Shaggy Dog и
Zoom, потоа и Николас Кејџ за ликот во
The Wicker Man, Ден Витни за
Larry the Cable Guy: Health Inspector и Роб Шнајдер за остварувањата во два филма
The Benchwarmers и
Little Man.
Во категоријата најлоша актерка на Шерон Стоун и конкурираат: сестрите Хилари и Хајли Даф за филмот
Material Girls, Линдзи Лохан за
Just My Luck, Кристиана Локен за улогата во филмот
BloodRayne и Џесика Симпсон за ликот во
Employee of the Month.
Од оваа година воведена е нова категорија за “најлошо извинување за семејна забава”, која ќе ја промовираат филмовите:
Deck The Halls, Garfield: a Tail of Two Kitties, RV, The Santa Clause 3: The Escape Clause и
The Shaggy Dog.
Од другите славни холивудски актери, на црната листа на номинации се најдоа и Бен Кингсли, Мартин Шорт и Дени де Вито како најлоши споредни улоги. Церемонијата на доделувањето на најомразените филмски награди е закажана за 24 февруари, еден ден пред Оскарите.